Elliðaárvogur

Fá svæði á höfuðborgarsvæðinu eru jafn ákjósanleg til umbreytingar og uppbyggingar eins og Elliðaárvogur við Ártúnshöfðann í Reykjavík.  Með hliðsjón af framtíðarsýn og markmiðum gildandi svæðisskipulags höfuðborgarsvæðisins þá kemur þróun þessa svæðis til með að hafa mikil almenn áhrif á borgarþróun höfuðborgarinnar í nánustu framtíð.  Samhliða fjárfestingum á svæðinu þá hefur Klasi á síðustu árum unnið markvisst að þróunarhugmyndum fyrir Elliðaárvog og bera fjárfestingar félagsins þess vel merki hve mikla trú félagið hefur á svæðinu til framtíðar.

Samstarfsyfirlýsing um uppbyggingu á Ártúnshöfða vestan Breiðhöfða var undirrituð 7. júní 2017. Borgarstjórinn í Reykjavík, Dagur B. Eggertsson og fulltrúar lóðarhafa, Ingvi Jónasson hjá Klasa og Pétur Árni Jónsson hjá Heild, skrifuðu undir á einni af fjölmörgum nýjum byggingarlóðum. Svæðið sem samkomulagið nær til er 273.000 fermetrar og er gert ráð fyrir að á þetta svæði geti komið 3 – 4.000 nýjar íbúðir. Fyrirsjáanlegt er að á Ártúnshöfða verði eitt mesta uppbyggingarsvæðið í Reykjavík á næstu árum. Aðilar að samkomulaginu við borgina eru Heild fasteignafélag hf. fyrir hönd Árlands ehf. og Klasi hf. fyrir hönd Elliðaárvogs ehf.

 

Önnur

núverandi verkefni

No items found.